Herri Urratsera joateko autobusean izena emateko azken egunak
mai 07, 11:57 Deba Itziarko Auzo Udala
Igandean (maiatzak 12) ospatuko da Ipar Euskal Herriko ikastolen aldeko jaia Senperen, eta Debatik eta Itziartik joan-etorria autobusez egin nahi dutenek ostiralera arteko epea izango dute izena emateko. Txartelak Zalburdi tabernan eta Bikain jatetxean daude salgai, 15 euroan.
Itziarko Erromeria Eguna hamalaugarrenez
mai 07, 10:21 Itziarko Auzo Udala
Ohiturek denbora behar izaten dute errotzeko eta Itziarren horren adibide da Erromeria Eguna. Aurten hamalaugarrena izan da eta, beti bezala, maiatzaren lehendabiziko zapatuan ospatu da. Egun osoko egitaraua osatu da aurten ere, goizean hasi eta goizeko ordu txikietaraino.
